អំពីក្រុមការងារ

លោក ប៉ិច ពិសី
នាយកប្រតិបត្តិ
piseypech@ticambodia.org

លោក ប៉ិច ពិសី បានចូលរួមជាមួយក្រុមការងារ នៅខែមិថុនា ឆ្នាំ២០១២។ លោក ពិសី មានជំនាញគ្រប់គ្រង និងបទពិសោធន៍ជាច្រើនផ្នែកសង្គមកិច្ច និងសេដ្ឋកិច្ច ក៏ដូចជាផ្នែកការងារលើកកម្ពស់ការគ្រប់គ្រងហិរញ្ញវត្ថុសាធារណៈ គោលនយោបាយជាតិ អភិបាលកិច្ចល្អ និងប្រសិទ្ធភាពជំនួយ ដែលជំនាញ និងបទពិសោធន៍ទាំងនេះ លោកទទួលបានពីការបម្រើការងារនៅក្នុងវិស័យអភិវឌ្ឍន៍ អស់រយៈពេលជាង១៣ឆ្នាំ ជាមួយនឹងស្ថាប័ននានាដូចជា៖ អង្គការ ឃែរអន្តរជាតិប្រចាំកម្ពុជា (CARE International) សមាគម Haringey សម្រាប់ការងារស្ម័គ្រចិត្ត និងសហគមន៍ (HAVCO) នៅទីក្រុងឡុងដ៍ អង្គការយូណេស្កូ (UNESCO) កម្មវិធីអភិវឌ្ឍន៍សហប្រជាជាតិ (UNDP) និងអង្គការ BBC Media Action។ លោក ពិសី បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ផ្នែកសាកលភាវូបនីយកម្ម ការអភិវឌ្ឍ និងអន្តរកាលពីសាកលវិទ្យាល័យ Westminster នៃទីក្រុងឡុងដ៍ចក្រភពអង់គ្លេស និងបរិញ្ញាបត្រផ្នែកទស្សនវិជ្ជាពីសាកលវិទ្យាល័យភូមិន្ទភ្នំពេញ ប្រទេសកម្ពុជា។

លោក ស៊ុន ឡុង
នាយកប្រតិបត្តិការជាន់ខ្ពស់
longsun@ticambodia.org

លោក ស៊ុន ឡុង បានចូលរួមក្រុមជាមួយក្រុមការងារនាខែកក្កដា ឆ្នាំ២០១២។ ស្ទើរតែ២៣ឆ្នាំ នៅក្នុងជីវិតការងាររបស់លោក លោក ឡុង បានបម្រើការងារនៅអង្គការអន្តរជាតិជាច្រើនដូចជា៖ អង្គការ DanChurchAid/ ChristianAid (DCA/CA) តួនាទីជាប្រធានសម្របសម្រួលផ្នែករដ្ឋបាល ហិរញ្ញវត្ថុ និងធនធានមនុស្ស អង្គការAcademy for Educational Development (AED) តួនាទីជាប្រធានគ្រប់គ្រងផ្នែករដ្ឋបាល និងហិរញ្ញវត្ថុ អង្គការ Pharmaciens Sans Frontieres (PSF) តួនាទីជាមន្ត្រីជាន់ខ្ពស់ផ្នែករដ្ឋបាលនៅវិទ្យាស្ថាន Institute to Serve Facilitators of Development (VBNK) តួនាទីជាប្រធានគ្រប់គ្រងផ្នែករដ្ឋបាល និងហិរញ្ញវត្ថុនៅអង្គការ Services for the Health in Asian and African Regions (SHARE) តួនាទីជាមន្ត្រីផ្នែករដ្ឋបាល និងហិរញ្ញវត្ថុ និងអាជ្ញាធរបណ្ដោះអាសន្នរបស់អង្គការសហប្រជាជាតិ “អ៊ុនតាក់” (UNTAC) តួនាទីជាអ្នកបកប្រែភាសាខ្មែរ-អង់គ្លេស។ អំឡុងពេលនោះ លោក ឡុង បានរៀនសូត្រក៏ដូចជាបានចែករំណែកចំណេះដឹង និងជំនាញរបស់លោកនៅក្នុងស្ថាប័ន ដៃគូការងារ សហការរី ដែលលោកបានបំពេញការងារជាមួយ។ ជំនាញ បទពិសោធន៍ និងអាជីពការងាររបស់លោកមានដូចជា៖ ការបង្កើតប្រព័ន្ធត្រួតពិនិត្យផ្ទៃក្នុង និងគោលនយោបាយនានារបស់អង្គការ ការគ្រប់គ្រងបុគ្គលិក និងការកសាងសមត្ថភាព ការគ្រប់គ្រងហិរញ្ញវត្ថុ ធនធានមនុស្ស រដ្ឋបាល លទ្ធកម្ម ភស្ដុភា និងការិយាល័យ។ លោក ឡុង ត្រូវបានតែងតាំងជាអ្នកតំណាងយុវជនកម្ពុជាក្នុងសន្និសិទអន្តរជាតិស្ដីពីមនុស្ស និងការអភិវឌ្ឍ (ICPD+5) នៅក្នុងទីក្រុងឡាអេ ប្រទេសហូឡង់ នៅឆ្នាំ១៩៩៩ ដោយមូលនិធិអង្គការសហប្រជាជាតិសម្រាប់ប្រជាជន(UNFPA) និងមូលនិធិប្រជាជនពិភពលោក(WPF)។ លោក ឡុង បានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ជំនាញហិរញ្ញវត្ថុពីសាកលវិទ្យាល័យ Australia’s Charles Sturt បរិញ្ញាបត្រជំនាញគណនេយ្យ និងហិរញ្ញវត្ថុពីសាកលវិទ្យាល័យPreston និងសញ្ញាបត្រផ្នែកគណនេយ្យពីមហាវិទ្យាល័យ Region College។ បន្ថែមពីនេះទៀត លោកធ្លាប់បានចូលរួម និងរៀបចំកម្មវិធីសិក្ខាសាលា វគ្គបណ្ដុះបណ្ដាល វេទិកាសាធារណៈជាច្រើននៅក្នុងប្រទេសកម្ពុជា តំបន់អាស៊ី និងអឺរ៉ុបផងដែរ។

លោក សៅ ធី
មន្ត្រីព័ត៌មានវិទ្យា
sthy@ticambodia.org

លោក សៅ ធី បានចូលរួមក្រុមការងារនាខែមិថុនា ឆ្នាំ២០១៩។ លោកធី មានជំនាញវិទ្យាសាស្ត្រកុំព្យូទ័រ ពីសាកលវិទ្យាន័រតុនក្នុង ឆ្នាំ២០១៤។ គាត់មានបទពិសោធន៍ការងារជាង ៦ឆ្នាំមកហើយ ក្នុងវិស័យព័ត៌មានវិទ្យាជាមួយវិស័យឯកជន។ ការងារដំបូងរបស់លោក គឺជាស្មៀនបញ្ចូលទិន្នន័យ នៅក្រុមហ៊ុន Neos (Cambodia) Inc. ក្នុងឆ្នាំ ២០១៣។ គាត់គឺជា បុគ្គលិកព័ត៌មានវិទ្យានៅសណ្ឋាគារ ខាដាមុំ ក្នុងឆ្នាំ២០១៤ ដែលជាកន្លែង ដែលគាត់បានធ្វើការ រៀន និងពង្រឹងសមត្ថភាពខាងព័ត៌មានវិទ្យារបស់គាត់។ ក្នុងឆ្នាំ២០១៥ គាត់បានបម្រើការងារនៅបុរី ឌឹមេគង្គរ៉ូយ៉ាល់ ដែលចាប់ផ្តើមជាបុគ្គលិកព័ត៌មានវិទ្យា បន្ទាប់មកក៏បានដំឡើងតំណែងជាប្រធានក្រុមផ្នែកព័ត៌មានវិទ្យា ដើម្បីដឹកនាំក្រុមការងារនៅក្នុងក្រុមហ៊ុន។ ក្នុងឆ្នាំ២០១៧ គាត់បានធ្វើការនៅក្នុងក្រុមហ៊ុនអភិវឌ្ឍន៍កម្មវិធីមួយឈ្មោះ Corarl Co., Ltd ជាប្រធានក្រុមផ្នែកព័ត៌មានវិទ្យា អស់រយៈពេលជាង២ឆ្នាំផងដែរ។

លោក ទ្រី សុខា
អ្នកគ្រប់គ្រងហិរញ្ញវត្ថុ
tsokha@ticambodia.org

លោក ទ្រី សុខា បានចូលរួមក្នុងក្រុមនេះនៅ ខែមិថុនា ឆ្នាំ២០១៩។ តាមរយៈបទពិសោធន៍ ជាង១០ឆ្នាំ ធ្វើការផ្នែកគណនេយ្យ និងហិរញ្ញវត្ថុនៅក្រុមហ៊ុនឯកជនគ្រឹះស្ថានមីក្រូហិរញ្ញវត្ថុ និងអង្គការក្រៅរដ្ឋាភិបាល លោកមានចំណេះដឹងទាក់ទងនឹងការគ្រប់គ្រងហិរញ្ញវត្ថុការគ្រប់គ្រងផ្ទៃក្នុង និងអនុលោមភាព។ មុនពេលចូលបម្រើការនៅអង្គការតម្លាភាពកម្ពុជា លោកបានធ្វើការជាមួយ អង្គការម៉ារីស្តូបកម្ពុជា ជាប្រធានហិរញ្ញវត្ថុ, PCG& Partner ជាប្រធានប្រឹក្សាយោបល់នៅគណៈកម្មាធិការសហប្រតិបត្តិការដើម្បីកម្ពុជា (ស៊ីស៊ីស៊ី) ជាអ្នកឯកទេសហិរញ្ញវត្ថុ វីសិនហ្វាន់ ជាគណនេយ្យករ។ ក្នុងអំឡុងពេលនេះ គាត់ទទួលបានបទពិសោធន៍ជាច្រើនក្នុងការរៀបចំរបាយការណ៍ហិរញ្ញវត្ថុ ការវិភាគអាជីវកម្ម ការរៀបចំផែនការយុទ្ធសាស្រ្ត និងថវិកា រួមទាំងការផ្តល់ដំបូន្មានបន្ថែមលើបញ្ហាគណនេយ្យ និងហិរញ្ញវត្ថុ ដើម្បីគ្រប់គ្រងការអនុវត្តការងារ។ សុខា ទទួលបានសញ្ញាប័ត្រអនុបណ្ឌិតផ្នែករដ្ឋបាលអាជីវកម្ម (MBA) លើមុខជំនាញហិរញ្ញវត្ថុ និងបរិញ្ញាបត្រគណនេយ្យ (បរិញ្ញាបត្រ) ផ្នែកគណនេយ្យពីសាកលវិទ្យាល័យបៀលប្រាយ។

លោក សួន យុធ្យា
ប្រធានកម្មវិធីអភិបាលកិច្ចប្រជាធិបតេយ្យ និងនីតិរដ្ឋ
syuthyia@ticambodia.org

លោក សួន យុធ្យា បច្ចុប្បន្នកាន់តំណែងជាអ្នកគ្រប់គ្រងកម្មវិធីអភិបាលកិច្ចប្រជាធិបតេយ្យ និងនីតិរដ្ឋនៅអង្គការតម្លាភាពកម្ពុជា។ គាត់បានចូលរួមជាមួយអង្គការតម្លាភាពកម្ពុជា នៅខែមីនា ឆ្នាំ ២០២៤ ហើយតួនាទីសំខាន់របស់គាត់គឺការបង្កើនការយល់ដឹងរបស់ស្ត្រី យុវជន និងប្រជាពលរដ្ឋ និងចំណេះដឹងអំពីអភិបាលកិច្ចល្អ សុចរិតភាព តម្លាភាព និងអំពើពុករលួយ និងឥទ្ធិពលរបស់វាទៅលើជីវិត និងសង្គមរបស់ពួកគេ និងផ្តល់សិទ្ធិអំណាចដល់យុវជន និងស្ត្រីក្នុងការដឹកនាំ។

មុន​ពេល​ចូល​បម្រើ​ការងារ​នៅអង្គការតម្លាភាពកម្ពុជា លោក​ជា​ប្រធាន​ផ្នែក​តស៊ូ​មតិ​នៅ​មជ្ឈមណ្ឌល​សិទ្ធិ​មនុស្ស​កម្ពុជា (“CCHR”)។ គាត់បានចូលរួមជាមួយ CCHR នៅខែមីនា ឆ្នាំ ២០១៨ ហើយតួនាទីសំខាន់របស់គាត់គឺផ្តល់ការគាំទ្រលើការស្រាវជ្រាវ និងការតស៊ូមតិចំពោះគម្រោងទាំងអស់របស់ CCHR និងដើម្បីពិនិត្យ និងអានការបោះពុម្ពផ្សាយរបស់ CCHR ទាំងអស់លើប្រធានបទសិទ្ធិមនុស្សជាច្រើនប្រភេទ។ មុនពេលចូលជាសមាជិក CCHR ចាប់ពីខែកុម្ភៈ ដល់ខែវិច្ឆិកា ឆ្នាំ ២០១៧ លោកបានធ្វើការជាមួយអង្គការតម្លាភាពកម្ពុជា ជាប្រធានគម្រោងរៀបចំការបោះឆ្នោត។ ក្នុងតួនាទីនេះ លោកបានគ្រប់គ្រង និងបណ្តុះបណ្តាលអ្នកសង្កេតការណ៍បោះឆ្នោតជាតិ ដោយដាក់ពង្រាយពួកគេទូទាំងប្រទេសទៅកាន់ការិយាល័យបោះឆ្នោត។ គាត់ក៏បានផលិតរបាយការណ៍ឆ្លុះបញ្ចាំងដែលវាយតម្លៃលទ្ធផលនៃការសង្កេតការបោះឆ្នោតរបស់ក្រុម។

មុននោះពីឆ្នាំ ២០០៩ ដល់ឆ្នាំ ២០១៦ លោកបានបម្រើការងារជាមន្ត្រីតស៊ូមតិផ្នែកច្បាប់ជាមួយគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (ខុមហ្វ្រែល)។ តួនាទីសំខាន់របស់គាត់គឺស្រាវជ្រាវ និងវិភាគគោលនយោបាយពាក់ព័ន្ធសម្រាប់ការបោះឆ្នោត និងគ្រប់គ្រងអង្គការ ធ្វើការតស៊ូមតិជាមួយដៃគូសហការ និងភាគីពាក់ព័ន្ធសំខាន់ៗ ដើម្បីបង្ហាញអនុសាសន៍។ លោក​បាន​ដឹកនាំ​ការងារ​តស៊ូ​មតិ និង​ជា​មនុស្ស​ផ្តោត​សំខាន់​សម្រាប់​ដៃគូ​ទាំង​ក្នុង​និង​ក្រៅ​ប្រទេស។ គាត់បានទទួលបរិញ្ញាបត្រច្បាប់នៅឆ្នាំ ២០០៥ ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (“RULE”) ក្នុងរាជធានីភ្នំពេញ ប្រទេសកម្ពុជា ហើយទទួលបានវិញ្ញាបនបត្របញ្ជាក់អំពីច្បាប់សិទ្ធិមនុស្ស និងការអភិវឌ្ឍន៍ប្រជាធិបតេយ្យសេរីពី ADHOC, Cousera និង Amnesty International ក្នុងឆ្នាំ ២០០៩។

លោកស្រី យឹម សុខលីម
មន្រ្តីផ្នែកហិរញ្ញវត្ថុ
soklimyim@ticambodia.org

លោកស្រី យឹម សុខលីម បានចូលរួមក្រុមការងារជាមួយ អង្គការតម្លាភាពកម្ពុជា នៅខែកក្កដា ឆ្នាំ២០១៤ ដោយមានតួនាទីជាអ្នកហាត់ការផ្នែកហិរញ្ញវត្ថុ។ ហើយ៦ខែក្រោយមកក៏ក្លាយជា ជំនួយការផ្នែកហិរញ្ញវត្ថុ និងក្រោយមកក្លាយជាមន្ត្រីផ្នែកហិរញ្ញវត្ថុ។ អំឡុងពេលសិក្សាថ្នាក់បរិញ្ញាបត្រ លោកស្រី បានហាត់ការផ្នែកហរិញ្ញវត្ថុ នៅអង្គការដៃគូរៀបចំការអភិវឌ្ឍសហគមន៍ (CMDP) និងគម្រោងពង្រឹងសហគ្រិនធុនតូច និងមធ្យម (MSME) ព្រមទាំងធ្លាប់ជាគណនេយ្យករ នៅគម្រោង CPWF នៃសាកលវិទ្យាល័យភូមិន្ទភ្នំពេញផងដែរ។ លោកស្រី បានបញ្ចប់បរិញ្ញាបត្រផ្នែកគណនេយ្យពីវិទ្យាស្ថានវ៉ាន់ដាគណនេយ្យ។

លោក ឈាវ ណាក់
ប្រធានកម្រោង សាលាអភិបាលកិច្ច
nakchheav@ticambodia.org

លោក ឈាវ​ ណាក់ បានចូលរួមការងារនៅដើមខែមករា ឆ្នាំ​២០១៦ ។ គាត់ជាអ្នកជំនាញផ្នែកអភិបាលកិច្ចល្អ​។ គាត់ធ្វើការងារជាងម្ភៃឆ្នាំជាជំនាញការក្នុងផ្នែកអភិបាលកិច្ចវិស័យសាធារណៈ។ គាត់ធ្លាប់ធ្វើការជាមួយស្ថាប័នរដ្ឋ ​និងមិនមែនរដ្ឋ លើផ្នែកអភិបាលកិច្ចតាំងពីឆ្នាំ​១៩៩៥​ ដល់២០១៦ ដូចជាកម្មវិធីមជ្ឈការ និងវិសហមជ្ឈការ កម្មវិធីអភិវឌ្ឍតាមបែបប្រជាធិបតេយ្យ គម្រោងអភិបាលកិច្ចល្អមូលដ្ឋាន ដែលផ្តល់មូលនិធិដោយអង្គការធនាគារពិភពលោក។ គាត់ក៏មានបទពិសោធន៍យ៉ាងច្រើនក្នុងការធ្វើការងារជាមួយអង្គការសង្គមស៊ីវិលនានាក្នុងស្រុក និងអន្តរជាតិ និងមានភាពជាអ្នកដឹកនាំ និងជាអ្នកសម្របសម្រួលក្នុងការលើកកម្ពស់ភាពជាដៃគូរវាងស្ថាប័នរដ្ឋ និងមិនមែនរដ្ឋ។ គាត់ធ្លាប់ជាទីប្រឹក្សាបច្ចេកទេសសម្រាប់គម្រោង សិទ្ធទទួលបានព័ត៌មាន ដែលសហការអនុវត្តដោយវិទ្យាស្ថានតស៊ូមតិ និងគោលនយោបាយ ក្រសួងព័ត៌មាន និងអង្គការ យូណេសស្កូ នាឆ្នាំ​២០១៥ ។

ឈាវ ណាក់ បានបញ្ចប់ការសិក្សាកម្រិតបរិញ្ញបត្រលើមុខវិជ្ជា ប្រជាជន និងវិទ្យាសាស្រ្ត នៅវិទ្យាស្ថានអន្តរជាតិសម្រាប់ការសិក្សាប្រជាសាស្ត្រ នៅទីក្រុងបុំប៊ៃ ប្រទេសឥណ្ឌា ។ 

កញ្ញា ហោ មួយស៊ាង
មន្រ្តីសម្របសម្រួលកម្មវិធី
mouyseanghor@ticambodia.org 

កញ្ញា ហោ មួយស៊ាង បានចូលរួមជាមួយក្រុមការងារអង្គការតម្លាភាពកម្ពុជា នៅខែមករា ឆ្នាំ២០១៥ ដើម្បីជួយគាំទ្រកម្មវិធីពង្រឹងសិទ្ធិអំណាចប្រជាពលរដ្ឋ និងយុវជន។ កន្លងមក កញ្ញាធ្លាប់បម្រើការងារជាជំនួយការផ្នែកតស៊ូមតិ និងកសាងបណ្ដាញ នៅអង្គការសម្ព័ន្ធដើម្បីសុវត្ថិភាពចរាចរណ៍ផ្លូវគោកដែលជាអង្គការមួយធ្វើការលើកកម្ពស់ការគោរពច្បាប់ចរាចរណ៍ និងសិទ្ធិអ្នកដទៃ នៅលើដងផ្លូវ ។ កញ្ញាបានបញ្ចប់បរិញ្ញាបត្រសេដ្ឋកិច្ចផ្នែកសេដ្ឋកិច្ចអភិវឌ្ឍន៍ពីសាកលវិទ្យាល័យមេគង្គកម្ពុជា និងសញ្ញាបត្រភាសាអង់គ្លេសពីសាកលវិទ្យាល័យបញ្ញាសាស្ត្រកម្ពុជា ព្រមទាំងទទួលបានវិញ្ញាបនបត្រ ជំនាញតស៊ូមតិផងដែរ។

កញ្ញា នក់ ស្រីលាភ
ជំនួយការគម្រោងនៅខេត្តបាត់ដំបង
sreyleapnouk@ticambodia.org

កញ្ញា នក់ ស្រីលាភ បានចូលបម្រើការងារនៅអង្គការតម្លាភាពកម្ពុជា នៅខែឧសភា ឆ្នាំ២០១៨ ដោយមានតួនាទីជាជំនួយការគម្រោងនៅការិយាល័យប្រចាំតំបន់ខេត្តបាត់ដំបង។ ស្រីលាភ បានបញ្ចប់ការសិក្សាបរិញ្ញាបត្រជាន់ខ្ពស់ជំនាញគ្រប់គ្រងធុរកិច្ចនៅសាកលវិទ្យាល័យបៀលប្រាយសាខា ខេត្តបន្ទាយមានជ័យ និងបរិញ្ញាបត្រ ជំនាញ   គណនេយ្យនៅសាកលវិទ្យាល័យបាត់ដំបង។ ស្រីលាភ មានបទពិសោធន៍ជាង៣ឆ្នាំ ធ្វើការជាមួយយុវជន លើវិស័យអភិបាលកិច្ចល្អ និងសហគមន៍អភិវឌ្ឍន៍កសិកម្ម។ មុនពេលចូលបំរើការងារនៅអង្គការតម្លាភាពកម្ពុជា នាងធ្វើការនៅអង្គការក្នុងស្រុកមួយដែលមានឈ្មោះថា ពុទ្ធសាសនាដើម្បីអភិវឌ្ឍន៍ ដោយមានតួនាទីជាបុគ្គលិកគម្រោង។ នាពេលបច្ចុប្បន្ននេះ នាងកំពុងបន្តការសិក្សា បរិញ្ញាបត្រជាន់ខ្ពស់ផ្នែក វិទ្យាសាស្ត្រកសិកម្ម និរន្តរភាពនៅសាកលវិទ្យាល័យបាត់ដំបង។

លោក ម៉ុស ថេន

មន្ត្រីសម្របសម្រួលកម្មវិធី

mthen@ticambodia.org

លោក ម៉ុស ថេន គឺជាអ្នកជំនាញមួយរូបដែលមានបទពិសោធន៍យ៉ាងទូលំទូលាយនៅក្នុងវិស័យនៃការអភិវឌ្ឍន៍ និងសិទ្ធិមនុស្ស ។ គាត់បានចូលបម្រើការងារនៅ អង្គការតម្លាភាពកម្ពុជា នៅក្នុងខែតុលា ឆ្នាំ២០២០ ជាមន្ត្រីគម្រោងជាន់ខ្ពស់នៃ​ គម្រោងសាលាអភិបាលកិច្ច ។ នៅខែសីហា ឆ្នាំ២០២២ លោកបានចូលកាន់តំណែងជាអ្នកសម្របសម្រួលកម្មវិធី ដោយផ្តោតលើការចូលរួមក្នុងវិស័យសាធារណៈ និងការកសាងភាពជាដៃគូ ។ លោកបានដើរតួយ៉ាងសំខាន់ក្នុងការជំរុញភាពជាដៃគូ និងការសហការរវាងភាគីពាក់ព័ន្ធផ្សេងៗ ដើម្បីសម្រេចបាននូវគោលដៅរួមនៅក្នុងវិស័យអភិវឌ្ឍន៍ ។ នៅខែមីនា ឆ្នាំ២០២៤ លោកបានបន្តមុខតំណែងជាអ្នកសម្របសម្រួលកម្មវិធីនៃកម្មវិធី «ពង្រឹងសិទ្ធិអំណាច ជំរុញការចូលរួម និងគាំទ្រអ្នកការពារសិទ្ធិមនុស្ស (2EP-HRD)»  នៅអង្គការតម្លាភាពកម្ពុជា ។ តួនាទីនេះបាននាំឱ្យគាត់បានចូលរួមចំណែកយ៉ាងសំខាន់ក្នុងការលើកកម្ពស់ និងការពារសិទ្ធិមនុស្សនៅក្នុងប្រទេស ។ លើសពីនេះទៅទៀត នៅមុនពេលលោកចូលរួមជាមួយ អង្គការតម្លាភាពកម្ពុជា លោកធ្លាប់មានបទពិសោធន៍ធ្វើការជាច្រើនឆ្នាំនៅក្នុងមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM), DW Akademie, និង WaterSHED ពីឆ្នាំ២០១៥ ដល់ឆ្នាំ២០២២ ។ បទពិសោធន៍ទាំងនេះ បាននាំឱ្យគាត់បង្កើតការយល់ដឹងយ៉ាងទូលំទូលាយអំពីទិដ្ឋភាពផ្សេងៗនៃការអភិវឌ្ឍន៍ អភិបាលកិច្ចល្អ និងសិទ្ធិមនុស្សនៅក្នុងប្រទេសកម្ពុជា ។

លោក ម៉ុស ថេន ​បាន​បញ្ចប់បរិញ្ញាបត្រផ្នែក ​«​ទំនាក់​ទំនង​អន្តរជាតិ» និង​ថ្នាក់​អនុបណ្ឌិត​ផ្នែក «ច្បាប់​សិទ្ធិ​មនុស្ស​អន្តរជាតិ» ​ពី​សាកល​វិទ្យាល័យ​បញ្ញាសាស្រ្ត​កម្ពុជា ។

កញ្ញា យូ សូនីតា
ជំនួយការកម្មវិធី
ysonita@ticambodia.org

យូ សូនីតា បានចូលបម្រើការងារនៅអង្គការតម្លាភាពកម្ពុជាតាំងពីឆ្នាំ 2023 ក្នុងនាមជាអ្នកហាត់ការកម្មវិធីអភិបាលកិច្ចធនធានសាធារណៈ។ ប្រវត្តិសិក្សារបស់នាង នាងបានបន្តបរិញ្ញាបត្រផ្នែកទំនាក់ទំនងអន្តរជាតិ នៅវិទ្យាស្ថានសិក្សាអន្តរជាតិ និងគោលនយោបាយសាធារណៈ (IISPP)។ ក្នុងនាមជាផ្នែកមួយរបស់ TI Cambodia អស់រយៈពេលមួយឆ្នាំ នាងបានក្លាយជាជំនួយការកម្មវិធីដែលរួមចំណែកក្នុងការបង្កើនតម្លាភាព និងគណនេយ្យភាពនៃអភិបាលកិច្ចធនធានសាធារណៈ។

កញ្ញា ឡេង ម៉ូលីណា
ជំនួយការកម្មវិធី
Lmolina@ticambodia.org

កញ្ញា ឡេង ម៉ូលីណា បានចូលបម្រើការងារនៅអង្គការតម្លាភាពកម្ពុជាចាប់តាំងពីខែវិច្ឆិកា ឆ្នាំ 2023 ក្នុងនាមជាបុគ្គលិកហាត់ការ នៅក្រោមកម្មវិធីពង្រឹងសិទ្ធិអំណាចស្ត្រី និងយុវជនក្នុងភាពជាអ្នកដឹកនាំ ក្រោមជំនួយរបស់ទីភ្នាក់ងារ USAID ។ បន្ទាប់មក កញ្ញាត្រូវបានជ្រើសរើសជាជំនួយការកម្មវិធី ក្រោមកម្មវិធីអភិបាលកិច្ចប្រជាធិបតេយ្យ និងនីតិរដ្ឋ ដែលធ្វើការយ៉ាងជិតស្និទ្ធជាមួយអ្នកសម្របសម្រួលខេត្តប្រចាំតំបន់។ មុនពេលចូលរួមជាមួយអង្គការតម្លាភាពកម្ពុជា កញ្ញាក៏ធ្លាប់បានធ្វើការជាអ្នកស្ម័គ្រចិត្ដ អ្នកហាត់ការជាមួយអង្គការក្រៅរដ្ឋាភិបាល និងស្ថានទូតក្នុងវិស័យពាក់ព័ន្ធជាច្រើន រួមមាន ការការពារកុមារ សុខភាពសាធារណៈ ការងារសង្គម ផ្នែកស្រាវជ្រាវ និងការតស៊ូមតិ។ ម៉ូលីណា កំពុងតែសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិ ពីវិទ្យាស្ថានសិក្សាអន្តរជាតិ និងគោលនយោបាយសាធារណៈ សាកលវិទ្យាល័យភូមិន្ទភ្នំពេញ។

This post is also available in: អង់​គ្លេស