ការវាយប្រហារ និងគំរាមកំហែងអ្នកការពារសិទ្ធិមនុស្ស នៅកម្ពុជា២០១០-២០១២

ចាប់តាំងពីអង្គការ លីកាដូ បានចេញរបាយការណ៍ចុងក្រោយនៅឆ្នាំ២០០៩ ស្តីពីអ្នកការពារសិទ្ធិមនុស្ស បង្ហាញអោយយើងឃើញថា បរិយាកាសសំរាប់អ្នកការពារសិទ្ធិមនុស្សនៅក្នុងប្រទេសកម្ពុជា មានភាពអាប់អួរយ៉ាងខ្លាំង ការបង្កើតឲ្យមានបរិយាកាសសិទ្ធមនុស្សនៅប្រទេសសកម្ពុជាកាន់តែធ្ងន់ធ្ងរបំផុតក្នុងរយះពេលជាង ១ ទសវត្សរ៍មកនេះ។ អំពើហិង្សាទៅលើសកម្មជនសិទ្ធមនុស្ស កាន់តែមានចំនួនកើនឡើងដែលអ្នកការពារសិទ្ធមនុស្សសំខាន់ៗត្រូវបានគេសម្លាប់ចោលដោយគ្មានទោស (និទណ្ឌភាព) ហើយសូម្បីតែតុលាការបានបាត់បង់នូវភាពមិនលំអៀងរបស់ស្ថាប័ននេះដែរ។