គម្រោងផ្តល់ជំនួយដល់កុមាររស់នៅជាមួយម្តាយក្នុងពន្ធនាគារ

នៅខែមិថុនា ឆ្នាំ២០០៩ អង្គការលីកាដូសហការជាមួយអង្គការហូរីហ្សិន (Horizons) បានចាប់ផ្តើមធ្វើការសិក្សាស្រាវជ្រាវថ្នាក់ជាតិមួយស្តីពីស្រ្តីមានកូនតូចៗរស់នៅក្នុងពន្ធនាគារ។ គោលបំណង​នៃការសិក្សានេះ គឺដើម្បីកំណត់នូវបញ្ហាសំខាន់ៗដែលស្រ្តី និងកុមារទាំងនោះកំពុងប្រឈមមុខខណៈពេលពួកគេជាប់ឃុំឃាំងក្នុងពន្ធនាគារ ជាពិសេសបញ្ហាម្ហូបអាហារ សម្លៀកបំពាក់ សុខភាព និងអនាម័យ។ វិសាលភាពដែលគម្រោងផ្តល់ជំនួយកុមាររស់នៅជាមួយម្តាយក្នុងពន្ធនាគារបានធ្វើការដោះស្រាយនូវបញ្ហាទាំងនេះ និងពិនិត្យមើលនូវតម្រូវការសម្រាប់កម្មវិធីអប់រំ និងការកំសាន្តសម្រាប់កុមាររស់នៅក្នុងពន្ធនាគារ។