អ្វីទៅជាការព្រមព្រៀង”ដោយសេរី ជាមុន និងផ្តល់ព័ត៌មាន”? ៖ ការអនុវត្តសិទ្ធិសំរាប់សហគមន៍ជនជាតិដើមភាគតិចក្នុងការគ្រប់គ្រងដីធ្លី

នៅប្រទេសកម្ពុជា ប្រជាពលរដ្ឋដែលរស់នៅតំបន់ជនបទ ជាពិសេសសហគមន៍ជនជាតិដើមភាគតិចភាគច្រើនរស់នៅដោយពឹងផ្អែកទាំងស្រុងលើផលិតផលកសិកម្ម និងអនុផលព្រៃឈើ។ ការបាត់បង់ដីធ្លី និងធនធានធម្មជាតិ គឺជាបុព្វហេតុចំបងមួយ ដែលធ្វើឱ្យពួកគាត់រស់នៅក្នុងភាពក្រីក្រកាន់តែខ្លាំង។ សៀវភៅរូបភាពនេះ អាចជាជំនួយស្មារតី សម្រាប់ សហគមន៍ជនជាតិដើមភាគតិច ដើម្បីស្វែងយល់អំពីសិទ្ធិទាំងឡាយដែលពួកគេមានសម្រាប់ការពារដីធ្លី វប្បធម៌ និងធនធាននានារបស់ពួកគេ។