ការអភិរក្ស និងការអភិវឌ្ឍប្រកបដោយនិរន្តរភាព ៖ ការពុះពារគ្រប់ឧបសគ្គដើម្បីបង្កើតឲ្យមានតុល្យភាពនៅប្រទេសកម្ពុជា

មហាតំបន់ទន្លេមេគង្គគឺជាទីកន្លែងរតនៈសម្បត្តិជីវសាស្រ្តដែលសម្បូរណ៍ទៅដោយទីជម្រកដែលមិនទាន់រងនូវការបំផ្លិចបំផ្លាញ និងមានតម្លៃបំផុតនៅលើភពផែនដីយើងនេះ។ ទោះជាយ៉ាងណា តំបន់នេះកំពុងប្រឈមទៅនឹងការគំរាមកំហែងដ៏ធ្ងន់ធ្ងរ។ គម្រោងទំនប់វារីអគ្គិសនីខ្នាតធំ ការអភិវឌ្ឍន៍ដែលកំពុងតែរាលដាលគ្រប់ទីកន្លែង ការប្រែប្រួលលអាកាសធាតុ ការជួញដូរសត្វព្រៃខុសច្បាប់ និងការកាប់បំផ្លាញព្រៃឈើកំពុងបង្កការគម្រាមកំហែងដល់ជីវចម្រុះនៅក្នុងតំបន់នេះ និង   លទ្ធភាពទ្រទ្រង់របស់តំបន់នេះដល់ការរស់នៅរបស់ប្រជាជនចំនួន ៣០០ លាននាក់ដែលកំពុងពឹងអាស្រ័យលើធនធានធម្មជាតិ។