សិទ្ធិនៅលើការទិញដូរ៖ ជីវិតនៅក្នុងពន្ធនាគារកម្ពុជា

តួនាទីរបស់អគ្គនាយកដ្ឋានពន្ធនាគារ គឺដើម្បីឃុំឃាំងជនជាប់ឃុំក្នុងកន្លែងមួយដែលប្រកបដោយសុវត្ថិភាព សន្តិសុខ អនាម័យ ននិងមនុស្សធម៌ ដែលអនុញ្ញាតឱ្យពួកគាត់មានលទ្ធភាពស្តារនីតិសម្បទា ដើម្បីឱ្យពួកគាត់អាចត្រឡប់មករស់នៅក្នុងសង្គមប្រកបដោយអត្ថន័យឡើងវិញ។ ទោះបីជាគោលការណ៍ទាំងនេះគួរឱ្យកោតសរសើរយ៉ាងណាក៏ដោយ ក៏វាមិនបានឆ្លុះបញ្ចាំងពីស្ថានភាពជីវិតពិតរបស់ជនជាប់ឃុំជាច្រើននាក់នៅក្នុងពន្ធនាគារកម្ពុជានោះឡើយ។